HIGHER HEALTH yo kona u bveledza zwavhuḓi tshishumiswa tsho Ṱanganelanaho tsha Didzhithala tsha u Dzudzanya, u Anganya na u ṱhaṱhuvha Khonadzeo ya khombo ya COVID-19 kha HIGHER HEALTH-NDOH u itela Sekithara dza Vhugudisi na Pfunzo dza Nṱha – zwi ḓivhiwaho sa HealthCheck.

Tshishumiswa itshi tshi a ṱhaṱhuvha, tsha wanulusa, tsha dzudzanya na u langula vhathu vho kwamea nga COVID-19 vha re kha sekithara dza PSET. Maitele o fhambanaho – USSD (Data free), WhatsApp na maitele o ḓisendekaho nga webe– a ita uri tshi shumiswe zwo leluwa.

Tshishumiswa tsho bveledzwa nga kufhinga kuṱukuṱuku nga vha HIGHER HEALTH, vha tshi khou thusana na Muhasho wa Mutakalo, u itela u swikela tshifhinga tsho pimiwaho tsha u vula hafhu Yunivesithi dza Muvhuso, Khoḽedzhi dza Vhugudisi ha Mishumo ya Zwanḓa na ya Thekhinikhaḽa, Senthara dza Vhukoni na Zwiimiswa zwa Pfunzo dza Nṱha zwa Phuraivete..
U ya nga vha Higher Health, ndeme ya tshishumiswa itshi a i nga tou ombedzelwa nga maanḓa.

Saizwi i tshi tou vha khombekhombe u ṱhaṱhuvha ḓuvha ḽiṅwe na ḽiṅwe, musi muthu a saathu tendelwa u dzhena fhethu ha nnyi na nnyi, vha HIGHER HEALTH vho ḓikumedzela u tikedza sekithara dza PSET nga tshishumiswa tsha u ṱhaṱhuvha ḓuvha ḽiṅwe na ḽiṅwe. Tshishumiswa tsha HIGHER HEALTH HealthCheck tshi nga shumiswa kha vhashumi, matshudeni na kha vhaṅwe vhaṋetshedzi vha tshumelo vha dzhenaho khamphasini kana kha madzulo a yunivesithi, u itela u ṱhaṱhuvha ha ḓuvha ḽiṅwe na ḽiṅwe. Zwo itelwa u thusa u wanulusa nga u ṱavhanya vhathu vho kwavhiwaho na u ita uri vha ḓikhethele thungo u itela u thivhela phaḓaladzo.
Izwi zwi ḓo ṱumanya vhathu avho na ndondolo yo teaho nga kha sisteme ya NDOH na NICD ya u ṱoḓulusa vho kavhiwaho. Tshishumiswa hetshi tshi shumisana na matshimbidzele a u ṱhaṱhuvha a NDOH.

Musi vhathu vho fhedza zwa u ṱhaṱhuvhiwa vha ḓo ṋetshedzwa ṱhanziela ya khwaṱhisedzo ine ya vha na dzina ḽavho, datumu na tshifhinga, nahone i a shumiswa sa ṱhanziela ya khwaṱhisedzo u itela u dzhena hu si na u lenga khamphasini. Avho vho ṱaluswaho sa vha re kha khonadzeo ya khombo i re vhukati u ya kha ya nṱha kha u nga kavhiwa nga COVID-19 vha ḓo langwa nga tshishumiswa tsha didzhithala tsha u ṱhaṱhuvha khonadzeo ya khombo kana nga HealthCheck u itela u isa phanḓa na u ḓikhethela thungo, ndingo na vhuṱumani na zwa ndondolo.

Nga u pfufhifhadza: ṱhaṱhuvho ya ḓuvha ḽiṅwe na ḽiṅwe→ u wanulusa u ṱavhanya→ u ḓikhethela thungo→ ndondolo kwao→ u tevhedza maitele a ndingo a DOH→ u khethelwa thungo.

→ vhuṱumani na dzilafho, ndondolo na thikhedzo = zwi tshidza matshilo.
U swikela tshishumiswa:
– Kha vha zw bvise vho shumisa URL kha: healthcheck.higherhealth.ac.za
– Kha vha dzhenise kha WhatsApp: 0600 11 0 000 https://wa.me/27600110000?text=hi
– Kha vha daiḽe vho shumisa USSD *134*832*2#

Zwo bviswa nga:
UNIVEN Transversal Committee
28 Shundunthule 2020

Skip to content